Ginluthang-patay sang isa ka barangay kapitan ang isa ka construction worker nga nagsita sa ila gahod samtang nagainom kag naga-videoke nga lapaw na sa curfew.
Natabo ang insidente sa Brgy. Sampaloc 1, Dasmariñas City, Cavite.
Base sa imbestigasyon, nagainom ang biktima nga si alyas “Sallyma” kaupod ang iban niya nga paryente ka mga abyan kag naga-videoke ang mga ini, samtang sa pihak naman nagainom man ang grupo sang barangay kapitan nga nangayaw lamang sa lugar agud magkadto sa iya abyan nga tupadbalay sang biktima.
Natabo ang pagbaisay sang ginsita sang grupo sang biktima ang grupo sang chairman bangud sa pag-videoke apisar nga lapaw na sa curfew nga alas-10 sang gab-i.
Ginpahayag nga nagbuya sang tinaga ang biktima sa grupo sang kapitan nga “Last n’yo na yan” nga ginkaakig sang suspek.
Didto na nag-init ang baisay tubtob nga nagbunot sang pusil ang suspek kag gintiro ang biktima.
Madasig nga nalagyo ang suspek nga punong barangay.
Sa pahayag naman san himata sang biktima, antes pa man ang curfew, nag-untat sa pag-inom kag pagkanta ang grupo sang biktima apang nagpadayon naman ang grupo sang suspek sa pagginahod.
Matapos naman ang duha ka adlaw nga natabo ang krimen, nagsungka ang suspek kag napasakaan na sang kaso nga homicide.
Wala naman ini gin-aresto sang pulis bangud naglapaw na sa 24 oras humalin sang natabo ang krimen.
Ginahulat naman sang pamilya sang biktima ang ipagwa sang korte nga warrant of arrest batok sa suspek.
