ILOILO CITY – Gin-athag sang Barangay Lanit Iloilo City nga wala sang malain nga record ang isa sa mga suspek sang rambol nga nagluntad sa Sunburst Park sa JM Basa Street, Iloilo City Proper.
Sa interview sang Bombo Radyo kay Punong Barangay Remedios Bedia, iya ginpahayag nga santo sa rekord sang ila barangay, wala sang ano man nga rekord si Elmo Lopez, 20.
Nahibaluan nga si Lopez ang preso subong sa Iloilo Police Station 1 matapos madakpan nga nagarambol kaupod ang tatlo ka iban pa nga mga miyembro sang gang.
Samtang, ginkakibot naman sang pamilya sang nasambit nga arestado ang iya pagka-angot sini sa rambol.
Sa interview sang Bombo Radyo kay Jenelyn Lopez, iloy sang suspek, iya ginpahayag nga mabuot ang iya nga anak kag cellphone lang ang masami niya gina atubang.
Suno sa iloy, wala siya sang may nahibaluan nga grupo ukon gang ni Elmo.
Apang gin-ako sang iloy nga isa sa mga utod ni Elmo ang myembro sang sperm junior gang.
