SARA, ILOILO – Ini ang isa lang sa pila ka mga dapat sundon sang mga pumuluyo sa banwa sang Sara, Iloilo may kaangtanan sa Executive Order No. 025-C nga pirmado ni Mayor Jon Aying kag mangin epektibo sa Agosto 19.
Sa interview sang Bombo Radyo kay Mayor Aying, iya ginpahayag nga kun may yara sang taga iban nga banwa nga luyag magsulod sa Sara, dapat may ipakita ini nga municipal Modified General Community Quarantine Pass nga pirmado sang ila alkalde.
Ini ang katuyuan ni Mayor Aying agud nga ma proteksyonan man ang banwa sang Sara batuk sa COVID-19.
May yara man sang natalana nga schedule para sa mga barangay sa Sara agud nga makapanindahan agud indi magginutok ang sulod sang merkado.
Ang curfew sa Sara ang maga-umpisa 9:00 sa gab-i tubtob 4:00 sa aga.
