Nagapangabay ang pila ka punong barangay sa Department of Social Welfare and Development (DSWD) Region VI nga itugyan na lang sa barangay ang sinako nga bugas kag sila na ang bahala nga mag-repack.
Ini bangud tuman ka kulang ang family food packs nga ginahatag sang DSWD kag indi makaigu sa mga household nga sakop sang barangay.
Sa Bo. Obrero, Lapuz, Iloilo City, may 90 ka food packs nga nag-abot apang may masobra 2,000 ka panimalay.
Sa interview sang Bombo Radyo kay Punong Barangay Ricardo Diño, iya ginpahayag nga kun ang barangay officials ang ma-repack sang ayuda, mas nakahibalo sila magbanta-banta kag mangin patas ang tagtaganay.
Kun pilion lang ang household suno kay Diño, mawangal man ang iban nga pumuluyo kag himuan naman sang isyu ang mga barangay officials.
