ILOILO CITY – Naghatag sang pahayag ang mga barangay officials sang Uswag Subdivision sa Brgy. San Isidro Jaro Iloilo City tuhoy sa pag inaway sang mga relocatees nga gin-awardan sang balay sang Department of Social Welfare and Development (DSWD) kag sang Iloilo City Urban Poor Affairs Office (ICUPAO.
Sa interview sang Bombo Radyo kay Barangay Kagawad Ruby Gallano, iya ginpahayag nga ang isa sa mga tag-iya sang balay nga si Pacita Madrigal ang wala naga istar sa balay nga ginhatag sang Iloilo City Government.
Suno kay Gallano, si Magdrigal ang naga istar sa San Roque Jaro Iloilo City kag ginaparentahan lang niya ang iya balay sa isa ka certain ‘Aisa’.
Apang sa ulihi, naglakat na ang iya boarder sa Cebu City kag nabakante lang ang balay.
Makapila ka beses naman suno sa opisyal nga wala ginsapak ni Madrigal ang notice nga ginpadala sa iya sang ICUPAO.
Ini ang isa sa mga rason kun ngaa ginhatag sang ICUPAO sa bag-o nga relocatee nga si Aisa Dela Gente ang balay.
Matandaan nga kahapon, ginkakibot ni Madrigal nga naguba na ang padlock kag may iban na nga naga okupar sang iya balay.
