ILOILO CITY – Iga-deputize sang Public Safety and Transportation Management Office ang mga barangay official sa syudad sang Iloilo agud nga magpangsaway kag magpangdakop sang nga naga-illegal parking.
Sa interview sang Bombo Radyo kay Mr. Jeclk Conlu, pinuno sang Public Safety and Transportation Management Office, iya ginpahayag nga ginahulat na lang niya ang executive order ni Iloilo City Mayor Jerry Treñas agud nga i-deputize ang mga barangay official.
Suno kay Conlu, limitado lamang sa illegal parking kag obstruction sa dalan ang trabaho sang mga barangay official.
Ginpahayag ni Conlu nga indi na mag-agi pa sa Land Transportation Office ang pag-deputize sang mga barangay official agud nga indi na maglawig ang proseso.
Samtang, wala pa nakahatag sang rekomendasyon ang Metropolitan Manila Development Authority tuhoy sa traffic management sa syudad sang Iloilo.
Suno kay Conlu, 4 tubtub 6 ka bulan ang plaso nga ginhingyo sang Metropolitan Manila Development Authority sa Iloilo City Govenrment.
Sa subong suno sa natungdan, may yara pa sang dukomento kag data nga ginapangayo ang nasambit nga ahensya agud nga makapaguwa na sang final recommendation.
Nahibalu-an nga sang nakaligad nga bulan sang Hulyo, nagpadulong ang team sang Metropolitan Manila Development Authority sa syudad sang Iloilo agud nga tun-an ang traffic situation kag mahatagan sang sulosyon ang traffic congestion.
