ILOILO CITY- May yara sang natun-an ang mga Barangay Official sang Danao, Iloilo City sa ginpatigayon nga Lakbay Aral.
Sa interview sang Bombo Radyo kay Punong Barangay Wilma Te sang nasambit nga lugar, iya ginpahayag nga may mga lectures nga ginpatigayun sa diin ginpakita sa ila kun ano ang best practices nga mahimo nila ipatuman.
Lakip sa mga natun-an niya suno kay Te, amo ang pagmonitor sang pagpatuman sang Anti-smoking sa barangay sa diin nagakadapat nga may yara sang Closed Circuit Television cameras agud makita kun sin-o ang mga nagapanigarilyo.
Ginpahayag ni Te nga luyag niya sundon kag ipatuman sa iya barangay ang nasambit nga programa.
Magluwas diri, natun-an man niya ang husto nga pag-segregate sang basura antes ihaboy.
Ang problema lang suno sa natungdan amo nga sa Barangay Danao, wala sila sang mahimo pahamtangan sang Material Recovery Facility.
Nahibaluan nga lima ka mga barangay official sa nasambit nga lugar ang nag-upod sa Lakbay Aral sa diin P155,900 ang ila nagasto
