ILOILO CITY – Pabor si Punong Barangay Woody Dela Riarte sang Kauswagan, Iloilo City nga himuon nga deputized enforcer ang mga barangay kag appointed offcial may kaangtanan sa Oplan Hawan.
Sa interview sang Bombo Radyo kay Dela Riarte, iya ginpahayag nga kun siya lang ang pamangkuton, pabor siya nga mangin deputized enforcer ang barangay officials.
Suno kay Dela Riarte, kinahanglan nga tatlo ukon madamo pa ang deputized enforcer agud nga matatapan ang kabug-usan sang Barangay Kauswagan kag amo man sa iban nga barangay.
Ginpahayag ni Dela Rirate nga mabudlay para sa ila nga mga barangay official ang nasambit nga trabaho apang wala sila sang may mahimo bangud nga ini ang kabahin sang serbisyo publiko.
Mas makapaayo suno sa Punong Barangay nga hatagan sang Identification Card ukon uniform ang mga deputized enforcer agud nga madali sila nga makilala.
