JARO, ILOILO CITY – Nagpanawagan ang barangay officials sang Balantang Jaro, Iloilo City kay Iloilo City Mayor Jerry Treñas nga indi pag i-revoke ang Multi-Purpose Building sa ila lugar nga proyekto sa idalom ni Iloilo City Lone District Rep. Julienne ‘Jamjam’ Baronda.
Ini nga proyekto ang ginapatuman naman sang Department of Public Works and Highways.
Sa interview sang Bombo Radyo kay Punong Barangay Allan Jastia, iya ginpahayag nga sa subong, wala pa siya nakabaton sang anuman nga pahibalo ukon dokumento sa diin nasaad sa pagpa-untat sang ginapatukod nga Multi-Purpose Building.
Suno kay Jastia, tuig 2021 pa gin-umpisahan ang proyekto, apang tubtob subong 50% pa lang ini nga natapos.
Kuntani suno sa opisyal, indi na pag-paunaton ang proyekto bangud nagahatag ini sang huol sa mga pumuluyo sa lugar.
Nahibaluan nga ang Multi-Purpose Building sa amo nga barangay ang nalakip pito ka mga proyekto nga gin-pauntat sang Iloilo City Council santo man sa mando ni Mayor Treñas.
