Ginkwestyon sang pila ka mga barangay officials sang Brgy. Magsaysay, Iloilo City Proper ang pagpahamtang sang drainage sa dalan sang JM Basa.
Sa interview sang Bombo Radyo kay Punong Barangay Gerald Casio sang Magsaysay, City Proper, iya ginpahayag nga naghambal man sa iya ang kotraktor sang drainage system nga ipahamtang sa JM Basa ang proyekto.
Suno kay Casio, tubtob sa Iznart Street lang ang kalawigon sang drainage.
Para sa natungdan, indi kinahanglan nga butangan pa sang drainage ang amo nga dalan bangud indi man tuman nga nagabaha sa lugar.
Ginpahayag man sini nga mas madasig pa nga nagabaha sa Iznart Street kon ikumpara sa ginpahamtangan sang proyekto.
Nagakahangawa naman ang pila ka mga vendors kag negosyante nga basi indi mahingaw tapos sa Disyembre ang paghuman sang drainage system.
Nahibaluan nga masobra P49 million ang balor sang pondo nga gingamit sang Department of Public Works and Highways (DPWH) agud masugodan ang nasambit nga proyekto.
