Nagwangal ang barangay officials sang Ma. Cristina, Jaro, Iloilo City matapos nga wala sa gihapon nahatagan sang Assistance for Individuals in Crisis Situation (AICS) sang Department of Social Welfare and Development Office (DSWD).
Sa interview sang Bombo Radyo kay Punong Barangay Pepito Villegas, iya ginpahayag nga halos pasalig lang ang ila nabaton nga magaabot na ang pondo para sa ila lugar apang wala man sa gihapon tubtob subong.
Suno kay Villegas, wala man siya sang isabat sa iya pumuluyo sa tion nga magpamangkot ang mga ini angot sa ayuda.
Nagapanawagan man ang natungdan sa DSWD Region VI nga kuntani hatagan sang igtalupangod ang ini nga problema bangud pila na ka bulan ang nagligad apang bisan isa ka bes wala pa sila nakabaton sang cash-aid.
