Bululigay ang mga barangay officials amo man ang mga barangay tanod sang San Isidro, Jaro, Iloilo City sa pagpanami pa sang ila nga urban garden.
Sa interview sang Bombo Radyo kay Punong Barangay Felix Dureza, iya ginpahayag nga ang ila nga urban garden ang indi lamang lunsay mga tanom ang nahamtang kundi may yara sang manokan kag fish pond.
Suno kay Dureza, isa sa mga butang nga nakabulig sa ila subong nga pandemya amo ang urban gardening ukon urban agriculture bangud isa ini sa nagahatag sa ila sang kabakod kada aga kag nagahatag man sang kalingawan.
Pahayag niya, mga indigenous materials amo ang ginagamit sa urban gardening.
