Nakabatyag sang mabaskog nga paghuyop sang hangin kag pagmadlos ang Barangay Barosbos sa banwa sang Carles antes pa man nagtupa ang bagyo Rolly.
Sa interview sang Bombo Radyo kay Punong Barangay Mario Matios, iya ginpahayag nga kahapon sang aga sa pagtupa ni bagyo Rolly sa pila ka mga lugar sa Pilipinas, nag hagan-hagan man ang panahon sa Carles apisar nga ginpaidalom sila sa Signal no. 1.
Suno kay Matios, antes pa man ang bagyo Rolly, nagpatawag na siya sang pagsinapol kaupod ang barangay disaster risk reduction and management committee.
Dugang pa sang natungdan, ginpanugyanan man niya ang mga manugpangisda nga sekyaron ang ila mga sakayang pandagat nga mabutang sa safe nga lugar.
