DESAMPARADOS, JARO ILOILO CITY– Nagreklamo ang isa ka barangay Secretary matapos nagpanglampos sang pulungkuan ang isa ka residente bangud ginkakas ang iya pangalan sa listahan sang mga benipesyaryo sang Social Amelioration Program .
Sa interview sang Bombo Radyo kay Wenalyn Aboniawan Barangay Secretary sang Desamparados Jaro Iloilo City, iya ginpahayag nga yara sila sa barangay hall kag ginahitso ang listahan ,sang ila nabatian nga nagasinggitan ang sisentay-nueve anyos nga si Nay Delaila kag nagsaka ini sa barangay hall.
Suno kay Aboniawan, indi luyag sang amo nga tigulang nga kaksun sa masterlist sang mga benipesyaryo sang Social Amelioration Program.
Pahayag pa niya, sang una ginapabay-an lang nila ang pagsininggitan sang amo nga tigulang, apang sang ulihi, nagpinanglampos na ini sang pulungkuan.
Paathag pa sang natungdan, ginsunod lang nila ang guidelines nga ginhatag sa diin, indi mahimo malakip si Nanay Delaila bangud may duha ini ka mga kabataan nga yara sa abroad.
