Nagahuray-ad kag wala na sang kabuhi sang nasapwan ang isa ka barangay tanod sa waiting shed sa Barangay Central, Ajuy, Iloilo.
Ang biktima amo si Rene Guanzon, 42, residente sang nasambit nga lugar.
May igu sang pagkaluthang sa tuo nga guya ang biktima.
Sa interview sang Bombo Radyo kay Pol. Lt. Danilo Noca, hepe sang Ajuy Municipal Police Station, iya ginpahayag nga wala man sang na-recover nga bala sa crime scene.
Ligum-dulom pa ang mga pulis kun sin-o ukon sanday sin-o ang may kahimuan sa krimen.
Sa inisyal nga imbestigasyon sang pulis, nahibaluan nga naka-inom inom pa ang amo nga barangay tanod kagab-i kag ginbilin sang iya nga kaupod sa amo nga waiting shed takna 11:00 sa gab-i.
Ginapahayag 100 metros lang ang kalayuon sang balay sang biktima sa natabuan sang krimen.
Ginahibalo pa kun sin-o ang nakaaway sang biktima sang una ukon sin-o ang may motibo.
