ILOILO CITY – Nagapabalin nga comatose ang isa ka barangay tanod sang Buga, Leon, Iloilo matapos gintiro ang kaugalingon gamit ang .38 caliber revolver sa balay sang iya pakaduha niya sa San Jose, San Miguel, Iloilo.
Sa interview sang Bombo Radyo Iloilo, ginpahayag ni San Miguel PNP deputy chief of police SPO4 Santiago Sadsad, nga nagpadulong sa balay sang iya pakaduha nga si Wilmar Tubiera ang biktima, kag nag-alegar nga may tatlo ka tawo nga nagalagas sa iya.
Ginbilinan pa niya sang kwarta ang iya pakaduha kag nagtugon nga ihatag gid sa iya asawa.
Duha ka lupok ang nabatian ni Tubiera sa diin sang iya ginkadtuan ang iya pakaduha, may pilas na ini tuga sang pagkaluthang sa iya sintido nga naglapos sa wala niya nga ulo.
Nagagwa dugang sa imbestigasyon sang mga pulis nga masami tulala ang biktima kag ginapatihan nga gindakop sang nervous breakdown.