ILOILO CITY – Dakop sa drug buy bust operation ang barbero sa Iznart St., Barangay Nonoy, Iloilo City.
Ang subject sang operasyon amo si Rufino Diestro sang Barangay Boulevard, Molo, Iloilo City.
Sa interview sang Bombo Radyo kay Diestro, iya ginpahayag nga mabakal lang siya kuntani sang bulong sa botika bangud nagasakit ang iya ngipon.
Apang ginkakibot na lang sini nga gindakop siya sang mga kapulisan.
Suno kay Diestro, planted ang mga na rekober sa iya posisyon nga tatlo ka mga ginapatihan shabu.
Nagaguwa man sa rekord ni Diestro nga makapila na ini ka beses nga nadakpan sa pagpangawat.
