ILOILO CITY – Ginpanginwala sang sexy actress nga si Barbie Imperial nga nagbalikanay sila sang anay kahagugma nga si Diego Loyzaga.
Ini ang sabat sang aktres matapos ang huring-huring nga nagbalikanay sila ni Diego kasunod sang pagbayluhanay sang komento sa social media.
Suno kay Barbie, mag-abyan sila ni Diego gani komportable ang mga ini nga magsabtanay.
Dugang pa ni Barbie, wala sila sang may gin-awayan apang ginklaro niya nga wala man sila nagbalikanay.
Sang nakabalik ang aktor halin sa Amerika, nag-istoryahanay ang duha.
Tatlo ka bulan pagkatapos sang breakup sang duha, ginpahayag ni Barbie nga malipayon na ang iya nga tagipusuon.
