Wala pa gihapon sang direkta nga kumpirmasyon sanday Richard Gutierrez kag Barbie Imperial kaangot sa ila relationship status, apang liwat nadabukan ang istorya matapos nag-updanay ang mga ini sa lunch date sa Filipino restaurant sa Rome sa Italya.
Mismo ang restaurant ang nag-post sa duha sa ila nga duha kag may pictures man kaupod ang staff.
“Thank you Mr Richard Gutierrez and Ms Barbie Imperial for your visit and a quick lunch here in Manila Restaurant,” suno sa post.
Madamo naman ang naham-ot kag nag-komento nga gina-“lowkey” lang kuntani sang duha ang ila pag-updanay apang ginsapubliko sang ila ginkan-an — mga senaryo nga masami ginasugid sa ‘secret dating’ stage.
Naglagaw man sila sa Italy kag nagbaton sang photo requests sa Filipino tourists nga yara sa lugar.
Nahibaluan nga yara sa Italy ang actor para sa mag-film sang iya upcoming action drama nga “Incognito” kun sa diin makaupod sini sanday Daniel Padilla, Maris Racal, Anthony Jennings, Kaila Estrada, kag Ian Veneracion.
Wala si Barbie sa cast, apang nagaguwa nga gin-updan sini si Richard sa byahe.
Una nga nagguwa ang dating rumors sa tunga nila sang Enero 2024 sang naispatan man sa gastropub sa Alabang, kag ginsundan pa sang pila ka okasyon kaangay sang pagkadto sa South Korea, workout date sa gym, birthday party sang actress kag iban pa.
Marso 2020 sang nagpakasal sanday Richard kag anay asawa sini nga si Sarah Lahbati apang apat ka tuig ang ginlawig sang relasyon kag gin-anunsyo ni Sarah ang ila pagbulagay kag pagproseso na sa annulment.
May duha sila ka anak nga sanday Zion kag Kai.#
