Ginkilala ni Iloilo City Vice Mayor Love Baronda ang kinahanglanon nga masolusyunan ang problema sa limitado nga espasyo sa sulod sang session hall, kasunod sang obserbasyon ni Councilor Rudolph Jeffrey Ganzon .
Sa interview sang Bombo Radyo, ginpahayag ni Baronda nga bilang presiding officer, iya man nakita ang kakulangan sa husto nga lugar para sa mga media personnel kag mga bisita, kag ginklaro nga wala man sang kagamo nga natabo, kundi kulang lang gid ang lugar para sa mga nagatindog sa kilid sang session hall.
Suno pa sa iya, indi man dako nga problema ini, apang dapat na nga matutukan agud masiguro nga may husto nga pulungkuan ang mga bisita kag media nga naga-cover sang session.
Ginpahayag man ni Baronda nga ila pagarebyuhon ang kahimtangan sa session hall, nga subong pa lang ikatatlo nga gingamit.
