ILOILO CITY – Naglitik ang bahin sang ginakabig nga baroque church sa banwa sang Anini-y, Antique matapos nga nagtay-og ang linog sa amo nga banwa kaina sang aga.
Ang simbahan ang ginatawag nga St. John De Nepomuceno Parish nga gintukod sang colonial era.
Sa record sang Philippine Institute of Volcanology and Seismology, magnitude 4.8 kag intensity V ang nabatyagan sa amo nga banwa kag intensity I sa San Jose de Buenavista.
Sa interview sang Bombo Radyo kay Mike Tolentino, Local Disaster Risk Reduction and Management Officer 3 sang Antique, iya ginpahayag nga naglitik man ang river control sa Barangay Talisayan kag ang bahin sang munisipyo sang ban
May yara man sang mga gamit nga nagkalaguba bangud nga nahulog.
Ginsuspende naman ni Anini-y, Antique Mayor Maxfil Policar ang klase sa tanan nga lebel sang pribado kag pampubliko nga mga eskwelahan.
Sa subong, padayon ang monitoring kag assessment sang Provincial Disaster Risk Reduction and Management Office kag indi pa matumod ang balor sang kahalitan nga natuga sang amo linog.
