Siling nila, “the third time is the charm”… apang paano kun pang-lima gali?
Apat ka beses na nga nag-atubangay ang Pilipinas kag ang New Zealand sa FIBA competitions halin sang 2016. Ang scorecard? Tall Blacks – 4, Gilas Pilipinas – 0.
Gin-ako ni Coach Tim Cone nga takladon kag mabudlay ang banas sang Pilipinas sa second window sang FIBA Asia Cup 2025 Qualifiers apang nagapati man ini nga masarangan na sang national team nga makadaog batok sa pangayaw nga New Zealand.
Una ginplastar ni Cone ang homecourt advantage sang Gilas ilabi na bangud gina-antisipar ang suporta sang linibo ka basketball fans para sa Philippine team.
Pang-22 ang New Zealand ukon Tall Blacks sa world ranking kag kilala sa ila physical plays samtang pang-34 naman ang Gilas.
Sa apat ka beses nga nagkitaay ang duha ka teams sa FIBA tournament, wala gid nakaagi-daog ang Pilipinas halin pa sa 2016 FIBA Olympic Qualifying Tournament nga ginhampang man sa Mall of Asia Arena sa idalom anay ni Coach Tab Baldwin.
Hulyo 2022 sang ulihi nga nagkitaay ang duha ka teams sa FIBA Asia Cup sa Jakarta, Indonesia kun sa diin gintambakan sang New Zealand ang Gilas, 92-75.
“The difficult part is they do have a new coach,” suno kay Cone. “The system is going to change a little bit. They are bringing over a little different personnel than they have from the past years, and little different from the World Cup [team] that came over here in 2023. They might be a little bit more difficult to prepare for.”
“Social media, video, and YouTube, there’s so much information to gather and we are in the midst of gathering that and we’ve got videos out to the players already,” dugang sini.
Kumpyansa man subong si Cone sa team sang Filipino players nga iya ginpili.
“But I don’t think they’ve seen a team like the team we are assembling before. I think we have a shot at beating them and we certainly want to protect our home court and show ourselves and to our Gilas fans around the country… These are very important [games] to us. I really expect us to be ready and motivated to play,” suno kay Cone.
Pareho nga matinlo nga 2-0 ang record sang duha ka teams.
Mataas man ang panan-awan sa Gilas matapos gin-upset ang world no. 9 nga Latvia sa Olympic qualifying tournament, kag nangin daku man nga tunok sa Georgia kag Brazil sa amo nga tournament para sa Olympiada.
Daku man nga pagpanghangkat sa Gilas ang injuries kaangay kay Kai Sotto nga napaidalom sa concussion protocol; si AJ Edu nga may knee injury sa Japan B.League; kag si Jamie Malonzo nga indi gid makahampang bangud sa calf injury nga naangkon sang Abril.#
