Sulod na sa Finals ang men’s basketball team sang France matapos ginpyerde ang Slovenia sa score nga 90-89 sa Tokyo 2020 Olympics .
Bangud sini, maatubang sang France ang USA sa Finals men’s basketball.
Nagapanguna sa kadalag-an sang France amo si Nando De Colo nga naghatag sang 25 points samtang may yara naman nga 23 points si New York Knicks free agent Evan Fournier.
May tyansa pa kuntani nga mangibabaw ang Slovenia kun wala gin-block ni LA Clippers forward Nicolas Batum ang drive ni Dallas Mavericks superstar Luca Doncic sa katapusan nga duha ka segundo sang hampang.
Wala napuslan ang nahimo nga 16 points, 10 rebounds kag 18 assists ni Doncic.
Matandaan nga ginpyerde sang France ang USA sa una nga round sang hampang sang nagligad nga semana.
