Abante na sa quarterfinals sang men’s basketball sa Paris Olympics 2024 ang Team USA matapos nga ginlutos ang South Sudan sa ikaduha sini nga hampang sa group stage, 103-86.
Nanguna sa American team si Bam Adebayo nga may 18 points kag seven rebounds; may 14 points si Kevin Durant; kag may 12 points, seven rebounds and five assists si LeBron James.
Matapos ginbangko sa bilog nga hampang sang team batok sa Serbia sang nagligad nga gab-i, nangin kabahin na subong si Jayson Tatum sang starting lineup kaupod si Anthony Davis, Steph Curry, James, kag Devin Booker.
Nanguna naman sa African team si Nuni Omot nga may 24 points kag si Carlik Jones nga may 18 points kag 7 assists nga nagbutang sang ila pungsod sa 1-1 nga record sa Group C.
Sunod nga atubangon sang USA ang Puerto Rico sa group play nga nauna na nalutos sa kamot ni Nikola Jokić kag Serbia.
