Nagpasalamat si Davao City Mayor Baste Duterte sa mga padayun nga nagasuporta sa ila pamilya ilabi ni sa ila amay nga si Anay President Rodrigo Roa Duterte nga yara sa gihapon sa subong sa International Criminal Court detention center sa Netherlands, bangud sa ginapangatubang sini nga kaso nga crimes against humanity.
Suno sa alcalde, ila man nahibal-an nga ginapangasubo gid sang ila nga mga taga suporta ang pagkapreso sang ila amay.
Ginpakigbahin niya nga kinahanglan anay nga agwantahun sang mga Pilipino ang natabo sa ila amay, rason nga naghatag ini sang tip sa publiko sa kun ano nga klase sang kandidato ang dapat nga pagasuportaran sang mga Pilipino.
Suno kay Duterte, kinahanglan nga magpili sang isa ka lider ang mga tawo nga may kaangay nga abilidad sa ila nga amay.
Sa madumduman, nagdeklarar si Vice President Sara Duterte nga amo man ang utod ni Davao City Mayor Baste Duterte nga magapadalagan sya bilang president sa masunod nga 2028 Presidential Elections.
