Mas gamay nga basura ang natipon sang Iloilo Provincial Government Environment and Natural Resources Office (PGENRO sa ila ginpatigayon nga trash walk sa Iloilo Provincial Capitol.
Ini ang ginpatigayon sa post Dinagyang Festival 2025.
Sa interview sang Bombo Radyo kay Mitzi Peñaflorida, senior environmental management specialist sang PGENRO, iya ginpahayag nga 5 ka sako nga basura ang ila natipon nga ginabug-usan sang 20 kilograms sang residual waste, 1.5 kilograms nga plastic bottles, kag 15 kilograms nga mga karton.
Ini ang may kabug-usan nga 37 kilograms nga basura nga nakuha tanan sa sa palibot sang Iloilo Provincial Capitol.
Suno kay Peñaflorida, ang mga natipon nga basura ilabi na ang mga plastic bottles ang igabaligya sa mga junkshop kag ang matipon nga pondo ang igasulod sa passbook sang talatapan.
Naghatag man ang natungdan sang positibo nga panan-awan sa mga Ilonggo kasunod sang magamay nga basura nga ila natipon.
Nagapati man ang natungdan nga amat-amat na nga nangin responsable ang mga Ilonggo sa ila pag-dispose sang mga basura.
