[WARNING: This news report contains sensitive content related to sexual assault. Reader discretion is advised.]
Naospital ang isa ka walo ka tuig nga bata nga babaye bangud sa pagdugo sang iya kinatawo kag ginapatihan nga ini ang ginhimuslan.
Natabo ini sa Brgy. Sta Isabel, Kawit, Cavite.
Ang suspek ang mismo tupadbalay sini nga si alyas Manny.
Suno sa imbestigasyon, ginhatagan sang suspek ang biktima nga si alyas “Angel” sang ice cream, gindala sa kahilamunan kag ginhimuslan.
Sa pahayag sang lola sang biktima, nagahampang ang iya apo kaupod ang iban pa nga bata, sang ginpalapitan sang suspek.
Nagtanyag ini sang ice cream kag sang ginkuha ini sang biktima, gindala niya ini sa lugar kun sa diin natabo ang krimen.
Nadiskubre ang natabo sa bata sang nakit-an sang amay sini nga nagahilibion ang biktima kag nagadugo ang kinatawo.
Gindumdom sini nga nakagat lang sang ido ang bata apang sang gindala sa ospital, didto napat-ud nga ginhimuslan ini.
Natigayon naman nga maaresto si Manny.
