Isa ka tumalagsahon nga insidente ang nagkibot sa isa ka komunidad sa Bihar, India, matapos mapatay sang duha ka tuig nga bata nga lalaki ang isa ka cobra nga nagburambod sa iya nga kamot.
Ang bata amo si Govinda Kumar nga sang amo nga tion, nagahampang siya sa ila balay.
Ginhaboy sang bata sang bato ang man-og gani nagbalos ang man-og kag ginburambudan ang bata sa kamot.
Sa baylo nga magsinggit sa kahadlok, ginkagat sang bata ang ulo sang man-og nga ginkapatay sang sapat.
Matapos ang insidente, nalipong ang bata bangud sa dalit sang man-og apang nadala ini gilayon sa ospital rason nga natabangan ang bata.
