ILOILO CITY- Kalabanan sa aton ang nagainom sang kape agud indi pagtuyhon kun kita ang nagatuon para sa exam.
Apang sa China,may pinasahi nga pamaagi nga ginhimo ang isa ka bata agud batuan ang iya katuyo.
Sa Xi-an province sa China, may yara sang bata nga lalaki ang nangin kontrobersiyal matapos nga nakahimo ini sang tumalagsahon kag wala ginalauman nga pamaagi tuga sang pagka- desperado niya nga indi makabatyag sang katuyo.
Ang iya ginhimo, nangita siya sang dagum, kag gintuslok niya ini sa iya kinatawo.
Natigayon nga makabugtaw ang bata sang malawig nga inoras para makatuon apang sang nagbatyag na ini sang kasakit sa sulod sang iya kinatawo,diri na kag iya ini gin-ako sa iya iloy.
Gilayon nga gindala sa ospital ang bata kag nakuha ang 10 cm kalaba nga dagum sang iya lola.
Madamo naman ang nagduda nga ang ginhimo sang bata ang indi bangud nga gusto niya solusyunan ang iya katuyo.
Madamo ang nagapati nga pamaagi lang ini sang bata sa pag-explore sang iya sekswalidad kag lawas apang wala lang nagmadinalag-on.
