Patay ang isa ka 3-anyos nga bata nga lalaki sa San Jose City, Nueva Ecija matapos nagkaon sang dulse apang nagbara ini sa iya tutunlan.
Suno sa iloy nga si Hazel, ginsugo niya ang iya bana nga si Christian nga magbakal sa tiangge kag nag-upod ang ila bata kun sa diin nagpabakal ini sang dulse kag ginkaon.
Makaligad lang ang pila ka segundos, nagapalanglapsi na ang bata.
Gilayon nga ginbaliskad sang amay ang bata kag gin-ipit ang tiyan sini para maluad niya ang dulse apang wala sang may natabo.
May iban pa nga nagbulig sa bata apang nanggit-om na ini rason nga ila gindala sa ospital kag nabutanga pa sang tubo ang bata para sa oxygen kag gin-revive.
Sa pihak sang pagtinguha nga masalbar, ginbawian gid sang kabuhi ang makaluluoy nga bata.
