Trahedya ang gindangatan sang isa ka pamilya sa Barangay Poblacion, Talitay, Maguindanao del Norte matapos mapatay ang isa ka walo ka tuig nga bata nga lalaki sa isa ka sunog nga naglamon sa masobra 10 ka mga balay.
Suno sa otoridad, madasig ang paglapta sang kalayo gani wala gid sang may nasalbar nga gamit ang mga pumuluyo.
Wala nga makagwa sa balay ang napatay nga bata matapos ma-trap sa sulod sang ila nga balay samtang nagakatulog.
Nahibaluan nga may ginabatyag nga sakit ang iloy sang biktima rason nga wala na niya maluwas ang iya bata.
Padayon ang imbestigasyon sang Bureau of Fire Protection agud matumod ang ginhalinan sang sunog.
