ILOILO – Nagdangat sa 182 ka pamilya ang nagpatigayon sang preemptive evacuation sa diin boluntaryo nga nagpadulong sa evacuation center sa banwa sang Batad kag Balasan, Iloilo.
Sa interview sang Bombo Radyo kay Dr. Jerry Bionat, Provincial Disaster Risk Reduction and Management Officer, iya ginpahayag nga ginakabig sang mga pamilya nga vulnerable sila sa mangin halit sang bagyo Auring kag indi na luyag nga maeksperyensyahan ang naagom sa mga naglabay nga kalamidad.
Suno kay Bionat, out of 182 ka mga pamilya, 145 diri ang numero nga nagikan sa Batad, Iloilo nga naghalin sa pito ka mga barangay.
37 naman ka mga pamilya ang nagikan sa Balasan, Iloilo sa tatlo ka mga barangay.
Sa subong suno kay Bionat, yara na estable nga sitwasyon ang panahon sa norte nga bahin sang Iloilo sa diin manipis na ang gal-om kag mga pag-ulan.
Dugang pa sang natungdan, ginpadal-an naman sang nagakaigo nga relief goods, bugas kag bulong ang mga pamilya nga gin- evacuate.
