Gin-alegar ni Batangas Rep. Leandro Leviste nga ang gina-uyatan sini nga “Cabral files” ang gamay pa gid lamang nga parte kaangot sa mga anomaliya sa Department of Public Works and Highways.
Suno sa kongresista, may ara pa ini sang may gina-uyatan nga iban pa nga ebidensya nga mas mabug-at ipaanggid sa mga file nga iya na nga ginpagwa.
Nagapati siya nga amo ini ang rason kun ngaa gina-target siya sang nagkakain-lain nga pagpamahog sa iya kabuhi.
Nahibaluan nga nakasulod sa Cabral files ang mga datos kag dokumento nahanungod sa budget sang mga proyekto nga pang-imprastruktura sa nagkalain-lain nga distrito sa pungsod.
Nagpaandam man si Leviste nga kun ipa-patay siya, maga-gwa ang kabug-usan nga kamatuoran kaangot sa mga iregularidad sa DPWH.
