Ginkumpirma ni Interior Secretary Jonvic Remulla nga magapa-gwa sang subpoena ang Criminal Investigation and Detection Group (CIDG) subong nga adlaw, Mayo 11, para kay Senator Ronald “Bato” dela Rosa.
Suno kay Remulla, indi ini arrest warrant kundi kabahin lang sang imbestigasyon may kaangtanan sa pila ka reklamo batok kay dela Rosa sa gin-alegar nga extrajudicial killings sa war on drugs sang administrasyon ni former President Rodrigo Duterte.
Gin-athag man sang DILG nga ang imbestigasyon lunsay “internal” lang kag wala ini sang kaangtanan sa International Criminal Court (ICC).
Suno pa sa iya, indi miyembro sang ICC ang Pilipinas gani ini isa lang ka internal nga proseso nga ginahimo sang awtoridad.
“I repeat, this is not an arrest warrant but a subpoena for the senator and former chief of the PNP,” suno sa DILG chief sa news briefing sa Camp Crame. “We are not a member of the ICC, we are not working with the ICC. This is purely an internal matter that we are doing.”
Gindugang pa sang tiglikom nga wala pa siya nakakita sang kopya sang arrest warrant halin sa ICC batok sa senador nga nagpungko anay bilang hepe sang Philippine National Police (PNP).
Una na man nga ginpahayag sang ICC nga wala pa sila nagpagwa sang public arrest warrant para kay dela Rosa.
May kaangtanan sini, gin-anunsyo ni Remulla nga indi na pagdayunon sang Department of the Interior and Local Government (DILG) ang plano nga pag-deploy sang 10,000 ka mga personnel nga magalagas sa senador. Una na sini ginpahayag nga ang amo nga task force ang i-deploy para sa dragnet operation agud madakop si dela Rosa pananglitan ara na ang arrest warrant.
 subong nga adlaw, Mayo 11, si Senator Ronald “Bato” dela Rosa.){kind=link}