ILOILO CITY–Nagapati si Bayan Muna Partylist Representative Carlosa Isagani Zarate nga magabaylo pa ang pinsar sang iya nga mga kaupdanan sa kamara tuhoy sa ginaduso nga cash-based budgeting system para sa 2019 national budget.
Sa interview sang Bombo Radyo kay Congressman Zarate, iya ginpahayag nga nagahimo na subung sang mga tikang ang administrasyon agud nga mahaylo ang mga mamalidha nga paboran ang ginaduso nga bag-o nga sistema.
Indi man mahimo sunu kay Zarate nga balibaran sang mga mamalidha ang ginaduso sang administrasyon bangud nga kalabanan ang kaalyado ni Presidente Rodrigo Duterte.
Sa subung sunu kay Zarate, may yara sang ginadiho nga compromise agreement sa tunga sang executive kag sang mga mamalidha agud nga mapasar ang budget.
Dako sunu kay Zarate ang kahigayunan nga mahimo nga mangin mixed sang cash based kag obligation system ang ginaduso nga national budget.
Nahibaluan nga sang damlag lang, ginuntat sang Kamara ang pagsinapol sang ginaduso nga 2019 national budget tungud kay indi sila pabor nga ipaidalum sa cash-based budgeting system.