Indi kontento ang Bagong Alyansang Makabayan – Panay nga si former President Rodrigo Duterte lang ang gin- aresto kag natalana nga mag-atubang sa International Criminal Court bangud sa ginaalegar nga nakumiter nga crimes against humanity.
Sa interview sang Bombo Radyo kay Mr. Elmer Forro, Secretary General sang Bagong Alyansang Makabayan – Panay, iya ginpahayag nga dapat nga mapasabat man sa layi ang iban nga mga kaupod ni Duterte nga naangot man sa extra-judicial killings kag red-tagging.
Gintumod ni Forro sanday former PNP chief Debold Sinas, Lorraine Badoy nga former spokesperson sang National Task Force to End Local Communist Armed Conflict, kag Jeffrey Celiz nga self-proclaimed former member sang New People’s Army (NPA).
Suno kay Forro, ang natabo kay Duterte ang kuntani magserbe nga paandam sa masunod nga mga lider sang pungsod agud ang mga ini magkumiter sang mga sahi sang krimen nga nahimo sang administrasyon ni Duterte.
