Gin-ulan sang pagpanginbulahan ang Filipina celebrity nga si BB Gandanghari matapos ini nag-gradwar bilang summa cum laude sa degree nga Bachelor of Science in Entertainment Business.
Si BB ang nagpakigbahin sang maayo nga balita paagi sa Instagram post kun sa diin gin-upload sini ang video sa iya graduation ceremony.
May ginbutang man ini nga malip-ot apang sweet nga mensahe nga naga-reflect sang iya journey bilang isa ka working student. Pahayag sini, perfect ang iya attendance sa klase kag wala man na-late sa eskwelahan sa bilog sini nga course.
“Being summa cum laude is not without hard work, discipline, perseverance and determination. As much as I am proud of this achievement, I am also proud as a working student of having a perfect attendance and never late in my classes during the entire course,” pahayag sini.
Magluwas sa iya nabaton nga Latin honors, ginkilala man si BB nga Student of the Month kag isa man ka myembro sang Honor Society of Los Angeles.
Una na nga gin-share sang Pinay celebrity nga nag-sulod siya sa film school bangud luyag sini ang nga i-pursue ang karera sa producing and directing.
Antes natapos ini nga degree sa University of California, alumna man si BB sang St. Louis University sa Baguio nga nakakuha sang Economics degree antes siya nagsulod sa showbiz 40 ka tuig na ang nagligad.#
