ILOILO CITY – Ginpakigbahin sang pila ka kandidata sang Binibining Pilipinas 2018 ang ginahimo nga preparasyon pila ka adlaw antes ang coronation night.
Ginpahayag ni Eva Pyschee Patalinjug sa exclusive interview sang Bombo Radyo Iloilo nga ginabantayan gid nila ang diet.
Wala man sila nagapabaya sa ila nga exercise.
Suno sa 23-year old beauty queen nga isa man ka registered nurse, masandukot ang kompetisyon sa Binibining Pilipinas.
Magluwas sa physical preparation, wala man ginakalipatan sang Cebuana beauty queen ang spiritual nga aspeto kun sa diin masami ini nagapangamuyo.
Apang isa sa labi sini nga ginapreparahan amo ang question and answer portion.
Ginpahayag ni Patalinjug nga magluwas sa pagbasa sang libro, ginasiguro man sini nga updated siya sa current events kag nagasalig sa general knowledge.
Nagapati si Patalinjug nga isa man sa mga frontrunners sa pageant, nga kun may general knowledge, mangin madali ang interview portion basta indi lang magpadaog sa nerbyos.