Indi mahimo nga makamato-mato ang recipient barangay nga lainon ang proyekto nga gina-implementar gamit ang pondo sang Barangay Development Program (BDP).
Ang BDP amo ang programa sa idalom sang National Task Force to End Local Communist Armed Conflict (NTF-ELCAC) kun sa diin may yara sang P20 million nga ginhatag sa recipient barangay nga gindeklarar nga hilway sa insurhensya.
Lakip sa dapat gamitan sang P20 million nga pondo amo ang farm-to-market road, classrooms, water and sanitation systems, health station, kag livelihood projects.
Sa interview sang Bombo Radyo kay Mr. Jeffrey Celiz, consultant sang NTF-ELCAC, iya ginpahayag nga natumod na ini nga specific projects kag kun islan sang barangay ang ila nga proyekto, dapat nga ikonsulta ini sa Department of the Interior and Local Goverment (DILG) nga amo ang supervising unit para sa BDP.
Suno kay Celiz, indi ma-realign ini nga development projects bangud ang budget ang may yara sang attached specific project sang ginpirmahan sang Kongreso ang General Appropriations Act kun sa diin nasulod ang P16.44 billion nga pondo para sa BDP.
Sa syudad sang Iloilo, anum ang recipient barangays sang P20 million: Dungon A, Dungon B, Ingore, Lapuz Norte, Sinikway, kag Tacas.
Dowloaded na ang minilyon nga pondo sa LGU.
Reported nga ang iban nga barangay ang nag-realign sang proyekto kag nagpain sang pondo para i-dugang sang syudad sa inugbakal sang bakuna. ##
