“Sila na liwat?”
Ini ang pamangkot sang kadam-an nga fans matapos nakit-an nga si Bea Alonzo gihapon ang wallpaper sang phone ni Dominic Roque.
Nagalapta ini nga video nga gin-post sang vlogger nga si Bonal Robel kun sa diin nagpasugot si Dominic nga magkuha sang clip sa isa ka event sa Cebu City sang damlag lang.
Sang makadali sini nga naalsa ang cellphone, gin-zoom ini sang netizens kag nakit-an ang picture sang aktres kaupod ang ido sini nga si Walter.
Sang tinalikdan nga bulan, madamo man nga espekulasyon ang nagaguwa matapos nakit-an sang iban ang ginasuksok ni Bea nga singsing nga ginapatihan nga engagement ring nila ni Dominic.
Matandaan nga Pebrero 11 sang nagpaguwa sang joint statement sanday Bea kag Dominic nga nagakumpirma nga indi madayon ang ila nga kasal apang wala sang direkta nga pag-ako sa ila nga breakup.
