Bangud sa pandemya, ang tanan ang halos indi makapadulong sa baybay agud ma-eksperyensya kag ma-enjoy ang view sang malapad nga balas kag duag blue nga tubig.
Apang indi ini problema para sa isa ka russian family bangud kaangay nga gina-istaran ni Aquaman ang ila ginapanag-iyahan nga Apartment.
Nagtrending sa social media ang nasambit nga apartment bangud daw matuod gid nga baybay ang disensyo sang salog nga napun-an sang marine life, kaangay sang seashells, dolphin, sea stars kag iban pa.
Cloud-covered sky naman ang disenyo sang dingding nga kun imo tulukon daw yara ka lang sa baybay samtang nagasimhot sang summer breeze.
May disenyo man nga puti nga balas ang salog nga daw kasubong nga ginatapakan mo gid sa baybay.
Ang nasambit nga apartment ang ginabaligya sa balor nga $376,000 ukon P18.8 million.
