ILOILO CITY- Na- enjoy sa gihapon sang iban nga pumuluyo sang Calaparan, Arevalo, Iloilo City ang pagpaligo sa baybay kadungan sang Kapiestahan ni San Juan de Bautista.
Sa interview sang Bombo Radyo kay Barangay Kagawad Rodrigo Montaño, iya ginpahayag nga mga residente lang sang ila barangay ang gintugutan nga makapaligo sa baybay kag gindumilian naman ang mga pangayaw.
Suno kay Montaño, nakabantay man sila agud masigurado kon residente gid man sang barangay ang nagapaligo sa baybay.
Pahayag niya, paghatag ini sang konsiderasyon sa mga pumuluyo bangud ini na ang tradisyon nga ila naandan apang ginpat-ud man nila nga masunod ang mga protocol kaangay sang physical distancing.
