ILOILO CITY- Nagalibot sa ila area of responsibility ang mga beat policemen sang Molo Police Station.
Sa interview sang Bombo Radyo kay Police Major Engelbert Banquillo, hepe sang Molo Police Station, iya ginpahayag nga may yara sila sang 12 ka mga beat policemen nga nagalibot sa kabug-usan nga distrito sang Molo.
Suno kay Banquillo, aktibo sa ila tagsa ka mga assignment ang beat policemen.
Indi man malipod suno kay Banquillo nga sila ang may pinakagamay nga personnel kag ang ila na lang ginahimo amo ang pag-maximize sa kun ano kadamo ang personnel nga may yara sila.
Nagakahangawa naman siya suno kay Banquillo bangud posible nga kuhaon bilang augmentation ang pila ka mga personnel sa pagsaulog sang Masskara Festival sa Bacolod City.
Dugang pa sang natungdan, 1:1,200 ang police -population ratio sa Molo.
