Na-angkon sang San Miguel Beermen ang titulo sa Philippine Basketball Association (PBA) Season 48 Commissioner’s Cup matapos gintumba ang Magnolia Hotshots, 104-102, sa Game 6!
Ini na ang ika-29 sa championship tally sa franchise history sang San Miguel nga ikalima man sa bug-os nga maragtas sang Commissioner’s Cup sa pungsod.
Nagpanguna sa team si CJ Perez nga may 28 puntos kag amo man ang ginkilala nga Finals Most Valuable Player.
Si Perez ang una na nga ginhingadlan nga Best Player of the Conference nga may average nga 18 points, 3.8 rebounds, 2.8 assists, kag 3.2 steals sa best-of-seven series.
Sa Game 6, pareho naman nga may tag-19 puntos sanday Bennie Boatwright kag June Mar Fajardo.
Sa bahin naman sang Magnolia, nagpanguna si Paul Lee nga may 25 puntos.
Kadungan man ini sa iya ika-35 nga kaadlawan — adlaw nga iya ginlaragway nga pinakamasubo nga birthday bangud napaslawan siya kag ang Hotshots nga mapalawig pa sa Game 7 ang ila hampang. #
