Dalayon na nga nagpaalam sa 2022 World Cup ang World Number 2 nga Belgium matapos nga nagtakop sa scoreless draw ang hampang sini sa Group F batok sa Croatia.
Wala naman sang sudlan ang kalipay sang pang-numero 12 nga Croatia bangud magaabanse na ini sa knockout stage.
Matandaan nga yara sa ikatatlo nga pwesto sang 2018 ang Belgium, apang sa subong nga tuig, isa ka bes lamang ini nga nagdaog kag amo ini ang imbukada nga hampang batok sa Canada, 1-0.
Sunod ini nga nagsuprer sang kalutusan sa kamot sang Morocco nga pang-22 lang sa FIFA rankings rason nga indi man makapati ang football fans kag may riot pa nga natabo mismo sa Brussels, Belgium.
Antes ini nga masakit nga group stage exit, ang Belgium amo man ang nagapanguna sa world rankings halin sang September 2018 tubtub sa March 2022.
Yari ang kabug-usan nga puntos sa group match:
MOROCCO – 2 wins, 1 draw, 0 loss – 7 points
CROATIA – 1 win, 2 draws, 0 loss – 5 points
BELGIUM – 1 win, 1 draw, 1 loss – 4 points
CANADA – 0 win, 0 draw, 3 losses – 0 point
