Nagsaka sang 30% ang benepisyo sa ikaayong lawas nga makuha sang mga beneficiaries sang Philippine Health Insurance Corporation (PhilHealth).
Sa interview sang Bombo Radyo kay Dr. Rodalyn Lagalangan, medical specialist IV sang PhilHealth Region VI, iya ginpahayag nga nangin epektibo ang pagsaka sang health benefits sugod pa sang tinalikdan nga tuig.
Suno kay Lagalangan, lakip sa mga nasakaan sang benepisyo amo ang mga benepisyaryo nga mga na-stroke kon sa diin, halin sa P38,000 nangin P80,000 na ini.
Gintumod man sini nga bisan ang chemo dialysis ang nagtaas, kon sa diin ang P2,600 nangin P4,000 na.
Ginmensyonar man ang natungdan ang pagtaas sang benepisyo sa mga pasyente sang breast cancer, halin sa P100,000 naghimo na ini nga P1.4 million sa kada package.
