Ginlutos sang Pinay tennis player nga si Alex Eala ang two-time Grand Slam champion kag world No. 2 nga si Elena Rybakina sa straight sets, 7-5, 6-4, sa ila pag-atubangay sa round of 16 sang 2026 Berlin Open.
Isa ini sa pinakadaku nga upset nga nahimo ni Eala sa iya bug-os nga karera sa tennis.
Ang Kazakh player nga si Rybakina amo ang reigning Australian Open champion kag amo man anay ang nagbulsa sang 2022 Wimbledon title.
Ika-lima na ini nga tion nga natumba ni Eala ang isa ka top-10 player kag ikaduha nga bes nga napierde niya ang second seed sang tournament matapos nga na-upset man sini anay si Polish world number two Iga Świątek sa quarterfinals sang 2025 Miami Open.
Balos man ini ni Eala matapos nga ginlutos siya ni Rybakina sa round of 32 sang Italian Open.
Nagapang-35 subong ang Pinay player sa world ranking.
Sang nagligad nga semana, naangkon ni Eala ang WTA 125 Birmingham Open title. Nagsulod siya bilang wild card sa WTA 500 tournament.
“I think for me, returning, and my game in general, a highlight word would be to be brave, and it makes a big difference when I’m able to do that,” suno kay Eala sa interview sang WTA matapos ang iya performance.
“I’m really happy with today, of course,” dugang niya. “It could have gone either way. I think there were really tight moments in both sets and, she’s an amazing player and she’s the one to beat. So I’m happy to have been able to share the court with her again.”
Ginpakigbahin man sini nga ang iya iloy kag amay ang iya una nga gintawgan matapos ang major upset.
Nahibaluan nga sa imbukada sang iya kampanya sa Germany, ginlutos niya, 7-5, 6-4, ang Queen’s Club champion nga si Donna Vekic antes man sini nabiktima si Rybakina.
Sunod nga atubangon ni Eala ang world no. 6 nga si Elina Svitolina sa quarterfinals.
