Ginpanginwala ni Executive Secretary Lucas Bersamin nga indi kontento si President Ferdinand ”Bongbong” Marcos Jr. sa performance sang nag-resign nga si Transportation Secretary Jaime Bautista.
Suno kay Bersamin, maathag kay Marcos nga kinahanglan nga magpahuway ni Bautista gikan sa iya opisyal nga mga katungdanan kag wala sang iban nga konsiderasyon sa iya pag-resign kundi ang iya ikaayong lawas.
Nagbulos naman kay Bautista si Vince Dizon bilang bag-o nga tiglikom sang Department of Transportation (DOTr).
Ang former government posts ni Dizon ang nagalakip sang iya posisyon bilang presidente sang Bases Conversion and Development Authority, deputy chief implementer sang National Task Force Against COVID-19, kag former presidential adviser para sa mga flagship programs kag projects.
Samtang, wala naman sang ideya si Bersamin kun matuod ang mga reports tuhoy sa impormasyon nga maga-resign man sanday Department of Information and Communications Technology (DICT) Secretary Ivan Uy kag Presidential Communications Office Acting Secretary Cesar Chavez.
