ILOILO CITY-Ginatugyan sang National Inter-Agency Task Force sa mga barangay officials ang mabug-at nga responsibilidad sa pag-neutralize sang kaso sang COVID-19 sa Iloilo City.
Sa interview sang Bombo Radyo kay Department of Environment and Natural Resources Secretary Roy Cimatu nga amo ang head sang national inter-agency task force, iya ginpahayag nga nagaumpisa sa barangay ang away batok sa COVID-19 kag dako ang mabulig sang mga barangay officials.
Suno kay Cimatu, kaangay sa Cebu, nangin epektibo ang away batok sa COVID-19 bangud mas nahangpan sang mga opisyal sang barangay ang hulag sang ila mga pumuluyo kag mas nakahibalo sila kun paano dumalahon ang mga tawo.
Pahayag pa ni Cimatu, kun sadto, 300 cases per day ang marecord sa Cebu, ini ang naghagan-hagan na sa subong.
Dugang pa sang opisyal,diri sa Syudad sang Iloilo, nagaumpisa pa lang ang mga barangay officials apang positibo ini nga masarangan man sang mga brgy. officials nga madumala kag makontrol ang ila mga pumuluyo bilang epektibo nga pamaagi agud mahagan-hagan ang paglapta sang virus.
