Gindayaw sang Secretary General sang CityNet Secretariat ang pila sa best practices sang Iloilo City.
Kadungan ini sang ginahiwat subong nga CityNet ExeCom Meeting nga gina-host sang syudad.
Sa interview sang Bombo Radyo kay Vijay Jagannathan, iya ginpahayag nga dalayawon ang mga programa sang syudad sa cultural heritage preservation kag disaster risk management.
Suno kay Jagannathan, agaw-atensyon man ang promosyon sang syudad sang mga lokal nga mga pagkaon matapos nga nasaksihan man sini ang Calle Real Night Market.
Nahibaluan nga masobra sa 100 ka mga mayors kag high-ranking officials halin sa nanuhay-tuhay nga parte sang Asya ang yari subong sa Iloilo City para sa 44th CityNet Executive Committee Meeting nga nagsugod sang Nobyembre 18 kag magatakop sa Nobyembre 20 sa Iloilo Convention Center.
Ang CityNet amo ang pinakadako nga association sang urban stakeholders nga committed sa sustainable development sa Asia-Pacific region.
Katuyuan sini nga magkonekta sa mga leaders agud magdihon sang mga pamaagi sa pagtukod sang mas sustainable kag resilient cities.
